fungsi carita pantun bahasa sunda?

Kategori Soal : Bahasa Sunda - Carita Pantun
Kelas : XII (3 SMA)
Pembahasan :

Carita pantun nyaeta salahsahiji rupa karya sastra Sunda dina wangun ugeran atawa puisi. Ditilik tina wangun eusina, aya dua rupa puisi Sunda, nyaeta puisi anu eusina mangrupa carita jeung puisi anu eusina henteu mangrupa carita. Carita pantun kaasupna kana puisi Sunda anu eusina mangrupa carita. Conto puisi Sunda lianna anu mangrupa carita nyaeta wawacan. Sedengkeun conto puisi Sunda anu eusina henteu mangrupa carita nyaeta sajak, mantra, guguritan, jeung sisindiran.

Jadi, sanajan carita pantun teh mangrupa karya sastra dina wangun puisi, eusi carita pantun teh nyaeta mangrupa carita. Kusabab carita pantun teh eusina mangrupa carita, ngaregepkeun carita pantun maah siga ngaregepkeun anu ngadongeng. Carita pantun teh dipidangkeun dina dua bentuk, nyaeta pikeun hiburan jeung pikeun acara ritual anu sakral. Jadi, fungsi carita pantun teh pikeun hiburan atawa pikeun ritual anu suasanana sakral.

Dina basa Indonesia oge aya anu disebut pantun. Pantun anu aya dina basa Indonesia beda jeung carita pantun anu aya dina sastra atawa basa Sunda. Pantun anu aya dina basa Indonesia mah sarua jeung sisindiran anu aya dina basa Sunda. Saperti disebutkeun di luhur, sisindiran (atawa pantun dina basa Indonesia) beda jeung carita pantun. Sisindiran eusina henteu mangrupa carita, sedengkeun carita pantun eusina mangrupa carita. Sisindiran mah sarupa saperti sajak anu eusina henteu mangrupa carita. Sedengkeun carita pantun mah sarupa saperti wawacan anu eusina mangrupa carita.